Wo Jhuki Huyi Nazar

Dekhi jo ek ada se jab wo jhuki huyi nazar,
                       Waqt jaise kuchh pal ke liye gaya ho thahar,
Bas dekhta raha un nigaaho ki sadagi ko,
                       Ek haseen khwab sa lagata hai wo manzar,
Dekhi jo ek ada se jab wo jhuki huyi nazar,

Jehan se nahi ja raha unka khyal, ek pal ke liye,
                      Waqt se kuchh waqt or maang leta, us pal ke liye,
Kuchh keh rahi thi wo shayad mujse, chupke se
                      Laga jaise aabaad ho gaya ho dil ka ye nagar,
Dekhi jo ek ada se jab wo jhuki huyi nazar,

written by: umesh 'bairagi' 

http://kuchhkhyaal.blogspot.com/

Aake dekho to jaraa ::

Saanso ko apni saanso se mehakane do jara,

Is dil ki dhadkano ko ab behakane do jaraa,,

                            Yu naa tadpaao is kadar hume jaane jaa,

                            Apni julfo ko chehre pe bikharne do jaraa.,

Naa karo hume is kadar bekraar sanam,

Kab se tha in lamho ka intezaar sanam,,

                            Khud ko in baahon me sawarne do jaraa,

                            Apni julfo ko chehre pe bikharne do jaraa,,

Ek pal me gujar jaaye naa, khwabo ka safar,

Kahi ho naa jaaye fir wohi dhundhli si sehar,,

                            Aake mita do is dil ki bechaini ko jaraa,

                            Saanso ko apni saanso se mehakane do jara,,

Written By: ucswami

http://ucswaami.blogspot.com

Ye Rishte.

Bade dino se aa raha hai is dil me ek khyal
                     Jaise ho koi ye suljha hua sa ek sawaal,
Kyon banaya ye jahan, or banaye ye Rishte,

Ek hi pal me ret ke gharonde jaise h girte,
                   Jinke liye rehte hai hum pal pal yuhi Pishte,

Maa baap jise apne khoon se hai sichte,
                   Fir kyon wo aaj unke pyaar ke liye hai tarste,

Har taraf faila hua, kaisa ye ajeeb janjaal hai,
                  Bemaani sa hua mano har rishte ka haal hai,
Apne to apne hai, fir kyon unke liye malaal hai,

Kya khushi ke liye rishto ka hona jaruri hai,
                 Ya  jahan me rishte banana sirf ek majburi hai,
Inhi sawalo me meri kuchh baat adhuri hai,
                 Kyon banaya ye jahan, or banaye ye Rishte,

Written By: ucswami 

http://kuchhkhyaal.blogspot.com/

You Are Beautiful

Unke chehre ki nazakat ki jab ho baat shuru,
Samajh na aye nazraane me pesh kya saugaat karu,
Bas unhe koi dekhe to dekhta hi reh jaaye,
Ab tum hi batao, unke baare me kya baat karu,
Unke chehre ki nazakat ki jab ho baat shuru,

Wo  ek nazar me madhosh karne wali nigaah,
Jinme simta hua ho jaise  pyaar, bepanaah
Ye chandi sa ujjwal badan, kisne banaya,,
Bas har pal Khuda se yahi mai sawalaat karu,
Unke chehre ki nazakat ki jab ho baat shuru,

To kya hua agar unse nahi milna hua ab tak,

Hum unhe apne shabdo me baya karenge tab tak,

Apni ye kuchh lines unki saadgi ke naam karte hai,

Ab to dil karta hai ki unse jald hi mulakaat karu

Unke chehre ki nazakat ki jab ho baat shuru,

Written By: ucswami

http://ucswaami.blogspot.com/

Ek Salaam ......Aurat Ke Naam

Aaj bhi ladki ka janam lena, samaaj me itna bemaani kyo hai,
Jiske aanchal me hai doodh, fir aankho me ye paani kyo hai,
Kab jagegi ye male dominated society malum nahi,
Agar nahi to Itihas me aaj bhi dohraai jaati  unki kahani kyo hai,,!
 


From birth to death, wo Sneh or tyag ki ek misaal hai,
Fir kyon uske naam par bewajah ke hote ye bawaal hai,,,
Kahi par unki asuraksha, to kahi aarakshan ki bahas,
Kab janenge hum sach,or kab suljhenge ye jo sawaal hai,,!
 

Ek roop h MAA, jiski mamta se insaan ki jindagi panpati hai,
Uske aanchal ki chhav me har khusi barasti hai,,
Apna har sukh bhula deti hai hamaari ek hansi ke liye,
bhala kaise aaj unko bhula kar  ye jindagi gujarti hai,,!

Ek Behan ke rishte ko kin shabdo me bayaan  karen,,
Bhai ki salamati ke liye hi wo har pal duaa karen,,
Mujhse pucho behan ki kami kya hai, jinki koi behan nahi,,
Fir kyo apne Bhaiyon ke beech wo Darte huye Jiya karen,,!

Aurat jo aadami ki jindagi ke naye maayne banati hai,
Isiliye shayad wo jeevan sangini kehlaati hai,,
Jo hamare liye apni har ichha or pehchaan bhulati hai,
Apni purani jado ko chhod, naye jeevan ke fool khilati hai,,!

Jara sochiye bina uske kaise jeevan rishto se judega,
Agar ab nahi jaana to, ek din bahut pachhtana padega,
Gum yahi hai ki, mai bhi isi samaaj ka ek hissa hu,
Ek naye kal ki aas mai ye sab kuchh likh rahaa hu !

Shayad isi se hamari soch me ek naya ankur Footega,
Sadiyo se chala aa raha ye silsila kabhi to tootega,,!

 Salaame Aurat Frm: Umesh Chand
Written By: ucswami
http://ucswaami.blogspot.com/