Ye Aankhe,,Wo Aankhe

Uski ek yaad bhar se chhalak aati ye aankhe,
Aaj bhi uske liye bekraar nazar aati ye aankhe,!
 

Dil to humne lagaaya, fir kyo tadapti ye aankhe,
Unke ek didar ko is kadar tarasti ye aankhe,!

Aankho ki baaten hi bas samjhati ye aankhe,
Kajrari si, jheel ke jaise machalti wo aankhe,!
 

Har pal ek nayi ada se badalti wo aankhe,,
Ek allhadd jawani jaise khilti wo aankhe,!

Zamane ki bheed me kaha kho gayi wo aankhe,
Kin anjaane se khwaabo me so gayi wo aankhe,!
 

Unke intezar me jaane kitna ro gayi ye aankhe,
Ab unke intezar me, band ho chali ye aankhe,!

Umesh Chand Swami